Yine âsârın izhâr eyledi hengâm-i dey hakkâ
‘Aceb esdi savurdı nice günler serdî-i sermâ
Degül berf üstine çil akçe saçdı erba’în içre
Sıtanbulun felek ta’zîm-i şânın eyleyüp icrâ
Yine bir feth-i ‘âlî âşkâr oldı mübârek-bâd
Zuhûr-i mu’cizât-i mefhar-i ‘âlem Muhammedle
Te’âla'llâh ‘aceb nusret ‘aceb feth-i cezîl oldı
Kemâl-i himmet-i hân Ahmed ibni hân Muhammedle
Yine ‘îd-i Ramazân oldı şeref-bahş-i cihân
İtdi îmâ-yi bisâta meh-i nev ref’-i benân
Lem’a-pâş itdi girîbân-i sabâh-i ‘îdi
Tügme-i necmi çözüp pençe-i mihr-i rahşân
Zuhûr iden bu cedelgehde böyle şûr ü şagab
Cezâ-yi seyyi’e vü sû’-i hâldendür hep
Tamâm gaflet ile geçmiş idi rûz ile şeb
Bu âyet âdemi âgâh eylemez mi ‘aceb
Sipihr tâkına târîh-i sâl-i yümn-âsâr
Zülf-i siyehi gerden-i billûra sarılmış
Bir perdedür ol âyine-i nûra sarılmış
Mir’ât-i bünâgûşı kenâr-i hat-i nevde
San subh-i hafâdur şeb-i deycûra sarılmış
Bu şaire henüz hiç kimse yorum yapmadı. İlk yorum yapan sen ol!