Ol bülbül-i ‘aşkam ki gül ü yâsemenüm yok
Ol tûtî-i gûyâ-yi firâkam çemenüm yok
Ben tekye-i ‘aşkunda o ‘uryân-i gamam kim
Pinhân-i beden itmege bir pîrehenüm yok
Olınca perde-ber-endâz-i nazra çeşm-i şühûd
Görindi âyine-i dilde çihre-i maksûd
Dil oldı garka-be-nûr-i müşâhedât-i cemâl
Temevvüc eyledügi demde bahr-i 'aşk-i vedûd
Ol kâkülün ki sun’-i Hudâ serde eylemiş
Bâl-i hümâyı pâyuna güsterde eylemiş
Hâl-i bütânı merdümek-i çeşme nakş iden
Hüsni ezelde ‘aşk ile perverde eylemiş
Ol ne şeydür kim anun şekli ‘acîb
Cânı var hem cânı yok emr-i garîb
İsminün harfi sekizdür bî-gümân
Nısfı çâr ammâ ki üç söyler zebân
Olsa hâl-i lebi teb-hâlede mânende-i dâg
Dil olur sîne-i pür-nâlede mânende-i dâg
Hâl-i ruhsâruna nezzâre-i germ itdükçe
Merdüm-i çeşmüm olur lâlede mânende-i dâg
Olsun füzûn ko sînede ‘aşkunla dâgumuz
Hurşîddür fetîle-fürûz-i çerâgumuz
Sâgar-gedâ-yi dergeh-i mey-hâneyüz velî
Fark-i sipihre cür’a-feşândur ayagumuz
Ol tıfl-i nev-resîde ki dâg urdı cânına
Kundak bırakdı şahs-i dilün hânmânına
Halhâl olur ayagına san duhter-i rezün
Sâkî alınca câmı hilâl-i benânına
Olup ey hâme senâ-kâr-i hudâvend-i ezel
Eyle ser-tâc-i suhan nâm-i Hudâyı evvel
Olasın kufl-güşâ-yi der-i genc-i ilhâm
Mazhar-i cûd ide tâ kim seni Hak ‘azze ve cel
Olursa kişver-i hüsnünde ger yasag-i nigâh
Hayâl-i dîdeye gelmez yine ferâg-i nigâh
Pür olsa bâ’is-i ser-mestî-i tahayyürdür
Mey-i müşâhede-i yâr ile ayag-i nigâh
O nahl-i nâzun olur pençe-i muhannâsı
Yediviren gülinün gonçe-i mutarrâsı
Bakup sirişk ile ol sîm-sâka ferş itdüm
Reh-i niyâza nigâhumla bir su dîbâsı
Bu şaire henüz hiç kimse yorum yapmadı. İlk yorum yapan sen ol!