Arpaeminizade Sami Şiirleri - Şair Arpae ...

Kâkül üftâde-be-hâk olmış o âfet kopdı
Fitne basıldı velî başka kıyâmet kopdı

Tîşe-i şu’le-i âh ile o sengîn-dilden
Hele bir pâre dil-i zâruma şefkat kopdı

Kaldı ayakda cür’a sıfat hâtır-i harâb
Mest-i müdâmuz âh ki yıkdı bizi şarâb

Tohm-i ümîd hâsıl ola dirdüm olmadı
Yagdurdum ana eşk-i teri nitekim sehâb

Kasem be-nâm-i Hudâ-yi müfettihü'l-ebvâb
Be-nûr-i nâsiye-pîrâ-yi mefharü’l-eshâb

Be-dest-i şîr-i Hudâ kâli’-i der-i Hayber
Be-hâk-i şâh-reh-i Bû Türâb-i ‘arş-cenâb

Keremi hâk-nişînânadur ehl-i keremün
Güher-efşân-i sevâhil olur emvâcı yemün

Bî-vücûdân ile ülfet sebeb-i rif’atdür
Bir iki nokta ider rütbesin efzûn rakamun

Kethudâ beg hazreti hem-nâm-i fahrü'l-enbiyâ
Kim odur dâmâd-i sadr-i kâm-rân ü kâm-bîn

Ya’nî sadr-i a’zam İbrâhîm paşa kim felek
Dergeh-i ikbâlin itdi kıblegâh-i vâridîn

Kimseye dest-güşâ eyleme yâ Rab yâ Rab
Sen ‘atâ eyle benüm matlabumı hep yâ Rab

İtmedensürme-feşân âhumı her şeb yâ Rab
Garazum rûşenî-i dîde-i kevkeb yâ Rab

Kişver-i ‘aşkun şeh-i sâhib-kırânıdur gönül
Ceyş-i endûhun re’îs-i kârvânıdur gönül

Katresinde nice deryâlar nihân-ender-nihân
Evvelîn-mevc-i muhît-i bî-nişânîdür gönül

1
Çalındı zîr-i kelîm-i hafâda tabl-i umûr
Belürmedi negamât-i hafiyye-i rişvet

Karârgâhı makâm-i rehâvîdür şimdi
Fireng [ü] Çîn usûline bestedür devlet

Kudûmı eyleyüp âfâkı hurrem ü handân
Du’â-yi devletini ‘âlem itdi vird-i zebân
Pür oldı velvele-i kûs-i şevketiyle cihân
Çak âsmâna irişdi sadâ-yi merdümiyân
Sipihr tâkına târîh-i sâl-i yümn-âsâr

Lebün ki bâde-i câm-i nigâhum olmışdur
Dü dîde mest-i müdâm-i nigâhum olmışdur

Gül-i ‘izârı ki ser-şîşe-zîb-i bâsıradur
Şemîm-bahş-i meşâm-i nigâhum olmışdur