Arpaeminizade Sami Şiirleri - Şair Arpae ...

Mülûkün nâmdârı ‘âlemün şâh-i zafer-kârı
Ki zâtın eylemiş Bârî güzîn-i devlet-i ecdâd

Cihân mülkine vâris hazret-i hân Ahmed-i sâlis
Nizâm-i kevne bâ’is dâver-i Cem-câh-i Kisrâ-dâd

I
Kalmasun dilde hayâl-i mâ-sivâ
Yâ İlâhî ‘aşk-i pâkünle senün
Olsun endîşem visâlün dâ’imâ
Yâ İlâhî ‘aşk-i pâkünle senün
II

Muttasıldur menzil-i tahkîke râh-i mevlevî
Meş’al-efrûz-i hüdâdur sûz-i âh-i mevlevî

Bir yere gelmiş tecerrüd-pîşegân-i ‘aşk-i Hak
Mecma’-i rûhâniyândur hânkâh-i mevlevî

Nâ-dâna ol ki bahr-i suhan dürlerin döker
Gûyâ ki hâk-i mezbeleye cevherin döker

Neşve humâr olur bana bezm-i şarâbda
Yârüm o dem ki cür’a koyup sâgarın döker

Nahl-i gül nahl-i tecellâdur şeb-i meh-tâbda
Serv-i mevzûn dest-i beyzâdur şeb-i meh-tâbda

Gark-i mevc-i nûr olur mînâ-serây-i bâsıra
Âb-i gevher-cûş-i deryâdur şeb-i meh-tâbda

1
Dil çeşmüne nice ola hem-râz der-’akab
Her gûşede nigâh-i suhan-sâz der-’akab

Bîm-i nigehle zülfüne cân atdı murg-i dil
Bir âşyâna düşdi ki şeh-bâz der-’akab

Ne dem derûndan izhâr-i dûd ider ‘âşık
Kemîn şerârını neyyir-nümûd ider ‘âşık

Hayâl-i nokta-i mevhûme-i dehânun ile
‘Adem ‘adem diyü mahv-i vücûd ider ‘âşık

Ne dem surh ile olsa revnak-ârâ-yi nişân tugra
Döner tûtî-i ala k'ola zerrîn-âşyân tugra

Anun merbût-i târ-i zülfesidür halka-i devlet
Ruh-i ikbâle oldı turre-i ‘anber-feşân tugra

Ne der-i mescide ne zâhid-i kallâba varur
Tâzeler keyfini dil pîr-i mey-i nâba varur

Togrısı hazm idemem vaz’-i kec-i zühhâdı
Ham-i ebrûyı koyup gûşe-i mihrâba varur

Nedür ol turfe şahs-i lâgar-ten
Hîç sakınmaz gözini budakdan

Bî-muhâbâ uçup gezer her bâr
Nâra pertâb ider semendervâr