Libâsı n'eyler olınca tenâsüb-i a’zâ
Yerinde cümleten esbâb-i hüsni ser-tâ-pâ
Kıyâma gelse hırâm eylese kıyâmet olur
Anı görün hele tursun o kâmet-i bâlâ
1
Metâli’dür kulûb-i nükte-sencân-i suhan-pîrâ
Cemâli oldı gûyâ âftâb-i ‘âlem-i ma’nâ
2
Celâli cânibin terk it ne lâzım başuna gavgâ
Cemâli semtin ohşa pek mülâyimdür sana zîrâ
Meclis-ârâ-yi safâ bülbül-i gülzâr-i tarab
Rind-i âlüfte sebük-rûh hoş-âyende-kelâm
Ahsenü's-savt-i cihân ya’nî Mü’ezzin Çelebi
Kim virürdi negamı sâmi’aya zevk-i tamâm
Medh-i kevserle gönül sanma düşer me’mûle
Vâ’izâ vasf-i dehen-bûsı geçer makbûle
Bakup âyîneye engüşt-i tahayyür-ber-leb
Kalem itdi güli ol tâze nihâlüm fûle
Meh-tâba geldi âyine-i âbdan fürûg
Çeşm-i habâb-i âba da meh-tâbdan fürûg
Çün reng-i şerm-i gerden-i billûr-i mehveşân
Mînâ-yi sâf buldı mey-i nâbdan fürûg
Memdûh-i cihân münşî-i Vassâf-cenâb
Çekdi bu nişânı hem-çü silk-i dürr-i nâb
Sâmî didüm ana böyle târîh-i latîf
Tarh-i kalem-i pâk-i re’îsü'l-küttâb
Sene 1139
Merd-i pîs-tab’ ü sefîh-i bed-şiyem kimdür dimem
Ehl-i sûk içre fakîr ü muhteşem kimdür dimem
Rîşi peşm-i hâye-i hâce-serâveş yek dü mû
Enfi mânend-i halâ gendîde-fem kimdür dimem
Merhabâ ey eser-i müjde-i cân
K'oldı leb-rîz-i safâ kevn ü mekân
Açdı gül-gonçe-i bâg-i emeli
Reşha-i ebr-i ‘atâ-yi Yezdân
Mesned-ârâ-yi sadâret zîb-i taht-i saltanat
Dâver-i sâhib-kerâmet pâdşâh-i bî-nazîr
Hazret-i sultân Ahmed hân-i sâlis kim anun
Dergeh-i vâlâsıdur şâhân-i âfâka masîr
Mevc-hîz oldı yine eşk-i terüm seyl gibi
Her kemîn katresi ser-mâye-i sad-Nîl gibi
Gark ider fülk-i dili cûşiş-i seyl-âb-i sirişk
Şu’le-pâş olsa hayâl-i ruhı kındîl gibi
Bu şaire henüz hiç kimse yorum yapmadı. İlk yorum yapan sen ol!