Hamûş-i vahşetün kadri füzûnterdür suhan-gûdan
Tereşşuh eyleyen bûdur dehân-i nâf-i âhûdan
Zebân-i mû-şikâfân-i beyâna pîçiş-efzâdur
O îmâlar ki peydâdur nihânî çîn-i ebrûdan
Hân Ahmed-i yegâne şehenşâh-i bahr ü ber
İskender-i zamâne hıdîv-i cihân-penâh
Fermân idüp yapıldı bu gerdûne-i latîf
İtmâmını mübârek ide hazret-i İlâh
Hâne-i kalbe şarâb olmasa mi’mâr-i neşât
Leb-i hamyâze olur rahne-i dîvâr-i neşât
Olsa teh-cür’a-i mey sürme-i çeşm-i idrâk
Efser-i Cem görinür câm-i nigûnsâr-i neşât
Hat gelse lebüm em dir idün şimdi ne dirsün
Bu va’di mukaddem dir idün şimdi ne dirsün
Ey şûh-i hat-âver bakalum var mı safâsı
Âyîne-i ‘âlem dir idün şimdi ne dirsün
Hat-i sebzîn didi ol tûtî-i ‘işve su’âlümde
Zümürrüdden kenâr âyîne-i ruhsâr-i alumda
O şehlâ-çeşm-i mest oldukda şîrîn hâbdan bîdâr
Şeker-âlûde-bâdâm-i dü-magz oldı hayâlümde
Hat-i siyâh ruh-i dil-rübâ yerin tutdı
Husûfdur ki meh-i pür-ziyâ yerin tutdı
Belürdi dîdeden ‘aks-efgenî-i hûn-i ciger
‘İzâr-i yârde reng-i hayâ yerin tutdı
Hatt-i lebün ki mısra’-i zîb-i me’âldür
Îhâm-i bûse anda ne rengîn hayâldür
Dil kavs-i ebruvânı elinden neler çeker
Seyr eyle kadd-i ham-şudemi ana dâldür
Hattun ki gird-i câm-i lebünden zuhûr ider
Âb-i hayât-i zulmeti pür-mevc-i nûr ider
Olmaz gelû-girifte-i imsâk sîr-i hüsn
Gül-bûse-i femünle nigâhum fatûr ider
Hayâl-i kâmetünle bir nihâl-i Tûrdur gönlüm
Tecellâ-yi cemâle câygâh-i nûrdur gönlüm
Mu’allim-hâne-i ‘âlemde sûz-âmûz olmam hîç
Nigâh-i dîde-i âzâr ile mehcûrdur gönlüm
Hayf bir tâze nihâli bâg-i ‘âlemde yine
Eyledi üftâde hâk-i sarsar-i bâd-i fenâ
Gûş-i cândan emrini ısgâ eyleyüp
Terk idüp dâr-i fenâyı eyledi ‘azm-i bekâ
Bu şaire henüz hiç kimse yorum yapmadı. İlk yorum yapan sen ol!