Arpaeminizade Sami Şiirleri - Şair Arpae ...

Dâm-i zülfi dilün makâmı gibi
Dem çeker evc-i gam hamâmı gibi

Dûrdan hâlin eylerüm takbîl
Hacerü'l-esved istilâmı gibi

Dâver-i ‘âlem şeh-i a’zam hıdîv-i muhteşem
Kişver-i dehrün yegâne-pâdşâh-i emcedi

Hazret-i hân Ahmed-i sâlis ki ferr ü şevketi
Şöhret-i İskender ü Dârâyı güm-nâm eyledi

Dâver-i ‘âlem şeh-i sünnî emîrü'l-mü’minîn
Pâdşâh-i şark ü garb İskender-i gerdûn-cenâb

Pîşvâ-yi ehl-i sünnet mefhar-i dîn ü düvel
Kâmil-i pâk-i’tikâd ü husrev-i devlet-me’âb

Dâver-i a’zam ü efham şeh-i hurşîd-’alem
Mesned-efrûz-i haşem husrev-i Cemşîd-nişân

Câ-nişîn-i hulefâ mâlik-i şemşîr-i gazâ
Râyet-efrâz-i vegâ saf-şiken ü kal’a-sitân

Degül mihr-i serî’ü's-seyr eyvân-i tıbâk üzre
Su’ûd itdi şerâr-i dûd-i âhum ihtirâk üzre

Hayâl-i ‘ârızunla serde dâg-efrûz-i ‘aşk olsam
Gören gül-mîhdür dir vaz’ olunmış şekl-i tâk üzre

I

Demdür ki eyleye kalem-i râstîn-sıfât
Seccâde-i sahîfede kad kâmeti's-salât

Demdür ki ide mahfil-i ser-levhada sücûd

Dem-i hilâfet-i Mahmûd hân-i ‘âdildür
Zamân-i saltanat-i pâdşâh-i ‘âkildür
Sahâ vü cûdı ser-â-pây dehre şâmildür
Cülûs itdügi sâ’at ki sa’d-i kâmildür
Sipihr tâkına târîh-i sâl-i yümn-âsâr

Dem-i sermâda sâkî idelüm gel ‘azm-i mey-hâne
Tutuşdur destüme al âteş-i seyyâleyi yana

Tayanmış çeşm-i mesti gûyiyâ bâlîn-i semmûra
Siyeh ebrûsı olmış muttasıl ber-geşte müjgâna

Dile kavâfil-i ‘aşk-i Hudâ gelür görinür
Gubâr-i sürme-i savt ü sadâ gelür görinür

‘İzâr-i yâre hat-i müşksâ gelür görinür
Kenâra mevce-i ‘anber-nümâ gelür görinür

Dil güm-sürâg-i şâh-reh-i ârzû gerek
Deşt-i hevesde sed-güzer-i âb-rû gerek

Rûyun tasavvurıyla gül-i mihr-i ‘âleme
Sarf-i nigâh eyleyemem bana bû gerek