Arpaeminizade Sami Şiirleri - Şair Arpae ...

Cemâlün ârzû eyler nigâhum yâ resûla'llâh
Çıkar her şeb anunçün ‘arşa âhum yâ resûla'llâh

Şeb-i ‘isyânda kaldum mihr-i ihsânunla subhâsâ
Beyâz eyle meded rûy-i siyâhum yâ resûla'llâh

Cenâb-i hazret-i sultân-i ‘âlem hân Ahmed kim
Der-i devlet-me’âbı reşk-i çerh-i çârümîn oldı

İdüp bu mesned-i pâkîzenün bünyâdını fermân
Yapıldı hak bu kim bir taht-i zîbâ şeh-nişîn oldı

Cenâb-i sadr-i a’zam ya’nî İbrâhîm paşa kim
Odur devletle hâlâ pâdşâh-i ‘âleme dâmâd

Sa’âdetle hitân-i mîr-i mahdûmın idüp tasmîm
Edâ itdi Muhammed sünnetin ol mefhar-i emcâd

Çerh-i le’îm sâhib-i ‘irfânı n'eylesün
Nâ-dân olan harîf suhan-dânı n'eylesün

Ol âftâb-i hüsne nigâh eyleyen çü subh
Çâk itmesün de ceyb ü girîbânı n'eylesün

Çeşm-i bed irmesün diyü ey nâzenîn sana
Ta’vîz-i hüsni yazdı hat-i ‘anberîn sana

Bî-neng ü nâm iken kalem ey sâde-levh-i ‘aşk
Ser-satr-i hasb-i hâl idi hatt-i cebîn sana

Cevân-i nâzenînüm baksa mir’âte hicâb eyler
O nâzük verdi kendi âteş-i rengi gül-âb eyler

Bakıyye cür’a kor yârüm ne dem nûş-i şarâb eyler
Ayagına ‘arûs-i şevkümün gûyâ hızâb eyler

Cihânun ol ki şeh-i ma’delet-şi’ârıdur
Cülûs-i pâkine târîh zıll-i Bârîdür
Mülûk-i dehrün o ser-tâc-i iftihârıdur
Vücûdı âyet-i kübrâ-yi Kirdgârîdür
Sipihr tâkına târîh-i sâl-i yümn-âsâr

Cûd ü himmet ana dirler ki be-cây-i ta’zîr
‘Afv ile bende-i güstâha ide lutf-i kesîr

Sâfdur tab’-i kerem âyîneden kim olmaz
‘Aks-i rûy-i siyeh-i mücrim ile jeng-pezîr

Cûşiş-i eşke dil-i pür-hûn bir mecrâ iki
Hayf kim fülk-i güher-meşhûn bir deryâ iki

Saklarum âyîneyi ol hod-perest-i nâzdan
İstemez ‘aşk olmaga Mecnûn bir Leylâ iki

Dâmân-gîr olur müjeler çeşm-i hasrete
‘Azm eyleyince merhale-i hâb-i râhata

Eşküm fütâde oldı hazîz-i mezellete
Pîrâye olmadı o güher gûş-i ragbete