Arpaeminizade Sami Şiirleri - Şair Arpae ...

Hurûş-i ‘aşkda tahrîk-i dest-i âh ‘abes
Garîk-i muztaribe şîve-i şinâh ‘abes

Çü bîd-i bî-semer ü deşne-der-kef-i âzâr
Le’îme eyleme âb-i ruhun tebâh ‘abes

Hüsne hatt-i ‘anberînfâm olsa da mâni’ degül
Cilve-i meh-tâba ahşam olsa da mâni’ degül

Hatt-i la’lün gerden-i kâfûrunı yâd eyleyüp
Rûz ü şeb ‘âşık mey-âşâm olsa da mâni’ degül

İbtidâ râst ile buldı nizâm
Elif-i evvel-i tertîb-i makâm

Sâniyen oldı rehâvî hâvî
Feyz-i te’sîri be-kavl-i râvî

İden basîret ile levh-i ‘ibret imkânı
İder müşâhede esrâr-i ‘arş-i rahmânı
Gel eyle sen dahı ey dil nigâh-i im’ânı
Sana delîl yetişmez mi nass-i Kur’ânî
Sipihr tâkına târîh-i sâl-i yümn-âsâ

İhtirâk-i necm-i bahtı bilmezüz eflâkden
Âh kim yanduk tutuşduk şu’le-i idrâkden

Gonçe-i sad-berg açıldukça hezâr-i gülşene
Şerh ider hâl-i dil-i hûn-geşteyi sad çâkden

İlâhî eyle sultân-i cihânı dâ’imâ mansûr
‘Adû-yi devletin makhûr idüp bi’l-cümle el-hâsıl

Bu ‘âlî feth içün Sâmî bu da târîh-i bâlâdur
Kılup fermân Revânı aldı sultân Ahmed-i ‘âdil

İntizâr eyledi helâk beni
Gel meded itme gussanâk beni

Eyle ey pâdşâh-i mülket-i nâz
Zîr-i pâyunda hem-çü hâk beni

İtmez kenâr-i matlaba gevher nisâr mevc
Tâ olmayınca zillet ile hâksâr mevc

Ta’dâd-i lutf-i nâ-mütenâhî-i Hak muhâl
Olsun mı hîç sahîfe-i yemde şümâr mevc

Kaçan kim nükte-senc olup açar ol mâh-i gül-fem fem
Rumûz-i ‘alleme'l-esmâdan urmaz dahı Âdem dem

Kelâm-i pür-kelâm-i ta’n-i ta’n-i tîr-te’sîri
Onılmaz degme hâl ile Mesîh eylerse merhem hem

Kadrini bilen görse hilâl-i ramazânı
Mihrâb idinür secde-i şükr itmege anı

Ahsente zihî mâh-i mübârek ki tulû’ı
Pür-behcet ü şevk itdi dil-i tâ’atiyânı