Rûşen olmaz dil hayâl-i çeşm-i hûn-âşâmsuz
Şu’le-rîz olmaz çerâgum revgan-i bâdâmsuz
Sînede sûziş gerek çirk-i güneh pâk olmaga
Eylemez sâbûn-i istigfâr eser hammâmsuz
Rüsûm-i fitne-i nâ-pâydâra aldanma
Nihâl-i sûrdaki berg ü bâra aldanma
Açılma olsa da nâ-dân güşâde-rûy-i nifâk
Dem-i şubâtdaki nev-bahâra aldanma
Sad âh o ma’sûme idince emrini gûş
Hâk içre oldı muhtefî mânende-i genc-i defîn
Düşdi zemîne ustuhânı cism-i nâz-âlûdınun
Bâd-i hazân ile perîşân oldı berg-i yâsemîn
Sad bâreka'llâh bâreka'llâh ol şeh-i pür-cûda kim
Desti cihânı eyledi müstagrak-i bahr-i ‘atâ
Ol pâdşâh-i bahr ü ber hâkân-i İskender-eser
Sâhib-livâ-yi mu’teber şâhenşeh-i fermân-revâ
Sâgar-be-kef o dil ki ola bî-gam-i sabâh
Âyînesinde zâhir olur ‘âlem-i sabâh
‘Uşşâk-i sîne-sûhte âh-i sehergehi
Eyler be-cây-i mass-i duhân hem-dem-i sabâh
Sâhib-nazar ârâyiş-i güftâra yapışmaz
Ma’nâ görür a’mâ gibi dîvâra yapışmaz
Her kârda ‘âkil gözedür semt-i sühûlet
Engüşt-i hıred ‘ukde-i düşvâra yapışmaz
Sahîfe-i rakam-i hatt-i nev olınca yüzi
Hisâb-i nakd-i sirişküm o demde buldı yüzi
Çemensitân-i melâhatda nev-çerîde henûz
Yeniçeride bir âhû-nigeh kuloglı kuzı
Sâneka'llâh zihî tabî’at-i pâk
Bihterîn-gevher-i yem-i idrâk
Perniyân-bâf-i kârgâh-i suhan
Nev-tırâz-i kumâş-i tarz-i kühen
I
Müferrih dâfi’-i gam dil-güşâdur sahn-i Sa’d-âbâd
Meserret-bahş-i cân râhat-fezâdur sahn-i Sa’d-âbâd
Cihânda misli yok ‘ibret-nümâdur sahn-i Sa’d-âbâd
Mülûkâne ‘aceb cây-i safâdur sahn-i Sa’d-âbâd
II
Bu şaire henüz hiç kimse yorum yapmadı. İlk yorum yapan sen ol!