Arpaeminizade Sami Şiirleri - Şair Arpae ...

Şerm ile hûn-feşân olur zülf-i ruhı nikâb iken
Hîç yakışur mı necm ola bir gice mâh-tâb iken

Âteş ü âb bir olur meclis-i ittihâdda
Şem’ idi bezm-i ‘aşka dil dîdelerüm pür-âb iken

Ser-nâme-i vücûda yazup
Pîrûze-hokka-i felege sundı el kalem

Oldı bu kârvân-i hayâl itmedin zuhûr
Râyet-keş-i talî’a-i ceyş evvel-i kalem

Şî’aveş âhir olur kâmeti âlâmda lâm
Çıkaran vaz’-i teberrâ ile düşnâmda nâm

Mûy-i çînî gibi nâ-çîz iken efgân iderek
Rahnedâr oldı bütün mülket-i A’câmda câm

Sirişk olmazsa levh-i dilde dâg-i âteşîn olmaz
Mukaddem safha nemnâk olmasa nakş-i nigîn olmaz

Zahım-nâ-horde-dil la’l-i lebünden bûse-çîn olmaz
Ten-i mûm olmadın sûrâh sûrâh engübîn olmaz

Şitâda Edrine şehri garîb hâletde
Ki i’tidâl ile âb ü hevâ bürûdetde

Muhâldür reh-i yah-bestesinde âmed-şud
Ki ser takaddüm ider pâydan refâkatde

I

Sûfî gibi zann itme bizi sübha-be-destüz
Biz dâne-şümâr-i güher-i ‘ahd-i elestüz

Erbâb-i riyânun serine cür’a-nisâruz

Şükür Hudâya ki feyz-i ‘amîm-i ihsânı
Güşâde itdi dil-i zâr-i müstmendânı

Hezâr hamd ü senâ kim Hudâ-yi ‘azze ve cel
Cihâna virdi yine bir neşât-i rûhânî

Sun sâkiyâ bize kadeh-i bî-melâl-i ‘îd
Îmâ-yi ‘işret itdi benân-i hilâl-i ‘îd

Zâhir olur delîl-i safâ-yi visâl-i ‘yâr
Levh-i felekde mâh-i nev oldukda dâl-i ‘îd

Surâdıkât-i nihân-hâne-i kazâ vü kader
Açıldı dest-i meşiyyetle çünki ser-tâ-ser
Hafâdan oldı nümâyân hezâr nakş-i ‘iber
Sürûş-i gaybdan irdi cihâna böyle haber
Sipihr tâkına târîh-i sâl-i yümn-âsâr

Sûretde gerçi zerre-i imkân olan bizüz
Ma’nâda âftâb-i dırahşân olan bizüz

Bî-harf çeşm-i yâr ile itdük mükâleme
Râz-âşinâ-yi nükte-i ‘irfân olan bizüz