14- Biyaniye Ser Singe Min

14-Biyaniyê Ser Singê Min

Çi bikim nafile ye…
Wekî perçeyekî şikestî yê sersatê di nav destên min de dizivirî,
Li kîjan valahiyê binerim tu nîn î,
Kîjan valahiyê dirêjî te bikim, dîsa her tişt kêm dimîne.
Dilê te di nav dilê min de bi cih nabe,
Mîna pêleke biyanî ku li peraveke teng xistiye…
Her hatina te hinekî dûr e,
Her destlêdana te hinekî nîvco ye.

Wekî kincekî ku tam li min nayê yî,
Tu ne di bedena min de, Wek ku di qedera min de sekiniyî
Emanet, bi şermî,
Mîna ku tu ê her gavê bar bikî û herî.
Û tu…
Her tim bi rawestaneke meyldarê çûnê di nav min de yî.
Nêrinên te belê, heybeyên nîvco hildigirin,
Manên te belê, mîna bêhnvedaneke demkî ye.

Ez dizanim…
Dehlîzên veşartî yên rûhê te
Ji bo hinekî din hatine mor kirin,
Mîna odeyeke ku mifteya wê tu carî li bal min venebûye.
Aîdiyeta te aîdî avhewayeke pir dûrî min e,
Mîna demsaleke ku li peravên beramber hatiye avakirin, di nav te de veşartî ye.
Ah tu, ma tu nîn î tu…
Tu hewcedarî veşartina vê jî nabînî…
Çimkî tunebûna te bixwe, xwe eşkere dike.

29.12.2003