Bezmümde yâr u sâkî vü sahbâ yerindedür
Keyfiyyet-i müdâmımuz a‘lâ yerindedür
Ancak miyânı gibi vefâdur bulunmayan
Esbâb-ı hüsn yoksa ser-â-pâ yerindedür
Yakdun cihânı âteş-i hüsnünle ey perî
Hakkunda her ne söylese a‘dâ yerindedür
Egerçi dil virecek dilrübâ budur ki budur
Dirîg düşmen-i mihr-i vefâ budur ki budur
O mehde ‘âşıka cevr itmeden usanmışdur
Senünde çekdügün ey dil cefâ budur ki budur
Çıkar tegâfül-i dildâr gibi bigâne
Kimi ki şimdi dirüz âşinâ budur ki budur
Aldanma dehr alur seni ammâ alur satar
Sad-Yûsufı bu köhne Züleyhâ alur satar
Kâlâ-yı câna râgıb o hûnı o denlü kim
Gûyâ metâ‘-ı atlas u dîbâ alur satar
Virdüm o şûha tıfl-ı dili lîk bilmezem
Âzâd ider terahhum idüp yâ alur satar
Gönül ki nükhet-i gîsû-yı yâr ile pürdür
O gonçedür ki nesîm-i bahâr ile pürdür
Çemende hˇ âhiş-i gül bülbülâne erzânî
Benem o deşt-i mahabbet ki hâr ile pürdür
Müyesser olsa da dil-hˇ âhum üzre câm-ı neşât
Misâl-i çeşm-i bütân hep humâr ile pürdür
Tîre rûz iden beni nâz ile bir meh-pâredür
Tâbişi dâ’im o mihrün hâne-i agyâradur
Hiç dil-hˇ âh üzre olmaz cünbüş ü ârâmımuz
Kâr-fermâ-yı felek ger sâbit ü seyyâredür
Gaflet-i tıflânemüz gitdükçe efzûn olmada
Ra‘şe-i pîri sanursın cünbüş-i gehvâredür
Cihân o şûh-ı sitemkâra bî-nevâ geçinür
Belâ bu kim o dahı ‘âlem âşinâ geçinür
Yanumda ragbeti yok şîşe-i şikeste kadar
Bu çarh-ı sifle ki câm-ı cihân-nümâ geçinür
Hevâ-yı zülf-i siyâhı serümde yetmez mi
Ki baht-ı tîre dahı sâye-i hümâ geçinür
Dil-i pervâne-meşrebden k’ola sûz-ı derûn peydâ
Olur şem‘-i ruhından dûd-ı âh-ı şu‘legûn peydâ
O sevdâ-pîşe Mecnûnam ki tekmîl-i cünûnumdan
Olur her-dem Felâtûnlarda ‘akl-ı zû-fünûn peydâ
Görüp kûh-ı gamum reşkinden olsa n’ola Ferhâdun
Dehân-ı tîşesinden su yerine cûy-ı hûn peydâ
Eşküm ki gâh yâd-ı ruhunla revân olur
Kemter habâbı ta‘ne-zen-i âsmân olur
Ger sâye gibi pâyine yüz sürmek istesem
Hurşîdvâr nâz ile dâmen-keşân olur
Gûş itse âh u zârumı gülşende ‘andelîb
Âgûş-ı gülde şerm ü hayâdan nihân olur
Egerçi şem‘ini pervâne hâne hâne arar
Bileydi şem‘de anı ne yana yana arar
Olur mı dergeh-i her mehveşe cebîn-fersâ
Leb-i niyâza sezâ bûse âstâne arar
Hazer ki âh u figanun gönül zamânı degül
O şûh ‘âşıka cevr itmege bahâne arar
Rind-i mahmûra şifâ bâde-i cân perver olur
Pertev-i sâgar-ı rez sandal-ı derd-i ser olur
Hod-nümâ oldugına hâmelerün hande ider
Leb-i her âb ile kim bûse ki neşter olur
İtmezüz şu‘leye pervânemizi bâr-ı girân
Pertev-i şem‘de âteş-zen-i bâl ü per olur
Bu şaire henüz hiç kimse yorum yapmadı. İlk yorum yapan sen ol!