Aşık Çelebi Şiirleri - Şair Aşık Çelebi

Yok binâ-yı ‘ışka seyl-i pend-i nâsıhdan halel
Kim ana seng-i melâmetle urılmışdur temel

Rûh-ı hayvânîye dâg-ı ‘ışkdur hayrü’l-halef
La’lün efkârı gıdâ-yı rûhadur ni’me’l-bedel

Zâhidâ ‘ayb eyleme oldumsa mest-i mey-perest
Sâgar-ı serde boyanmış yazılan rûz-ı elest

Hâbı terk it gâfil olma gözün aç ey müdde’î
Nâm-ı ‘ışkun eyleme câm-ı zücâci sen şikest

Zülfünün bâd-ı sabâ görmeye tozın karasın
Yel yöpük olup gerek Çîn ü Hıtâyı arasın

Yâr müstagnî benüm derdümden anun derdi yok
Derdi sen virdün İlâhî yine sen kıl çâresin

Âh kim bir serv-kad sevdüm yine adı ‘Alî
Vird idindüm anı teshîr itmege nâd-ı ‘Alî

Dilde nâmun nakş idüp etrâfın itdüm dâg-ı ‘ışk
Vasluna irem mi diyü eyledüm remel-i ‘Alî