Kaplıca havzı içinde gören ol sîmteni
Çehe üftade sanur Yusüf-i gülpireheni
Kaplıca havzı değil ayine-i saf gibi
Görünür dide-i pür eşgden aks-i bedeni
Cemin temame erüp devri cem kalmıştır
Olmaz cemden de bu meclise nam kalmıştır
Rüsum-i lütf ü kerem halk içinde mensiydir
Fakat alup verilür bir selam kalmıştır
Zeman-i hecr dem-i vasl-i yâr olur giderek
Zemanedir bu zemistan behar olur giderek
Mahallesin dolaşur dil o afetin amma
O saydgâh bir gün şikâr olur giderek
Bir zeman idi hemâguş-i hayal olduğumuz
Yâr bilmezdi talepkâr-i visal olduğumuz
Sarf-i nakdine-i eşg ettiğimiz kaldı bize
Vermedi sud haridar-i visal olduğumuz
Eyyam-i behar olmaz idi Gülşen olaydım
Hurşid tulû’ etmez idi revzen olaydım
Gülberge seba urmaz idi pence-i târâc
Sahra-yi temennade eğer damen olaydım
Sittî erişti ey dil inabet zamanındır
Sergerim-i hevadan ifak zamanındır
Fursat geçer telafi-i mâfat vaktidir
Nefs-i hevaperesti melamet zamanıdır
Üzümdü rişte-i can zülfü-i pürşiken diyerek
Büzüldü çehre-i dil berg-i yasemen diyerek
Nesim nehgüzerinde vücudum ettim hâk
Eceb hevalara düştüm çemen çemen diyerek
Kadd-i sipihrin anlıyan anlar ham olduğun
Biçare çerh-i barkeş-i âlem olduğun
Eyler hazan baharı teakub hazan hazan
Hemvare istemez çemenin hurrem olduğun
Ne azm-i kûşe-i rahat ne azm-i hab edelim
Girince damen-i maksud ele şitab edelim
Şu’a-i meyle çerağ-i ızar-i dilber ile
Sevad –i şamı ziyabahş-i afitab edelim
Ol goncafem gelür mi gülistane bir dahi
La’lin sunar mı âşık-i nalane bir dahi
Pervanevar mürğ-i dilim yansa gam değil
Hemmeclis olsa şem’-i şebistane bir dahi
Bu şaire henüz hiç kimse yorum yapmadı. İlk yorum yapan sen ol!