Yare niyaz vasıt-i vahşet etmişüz
Azürde etmişüz o mehi gaflet etmişüz
Nadanlığ ile anlamayup kadr-i sohbeti
Ol nazenin-i hüsne aceb sıklet etmişüz
Yâri açtım açıl ey goncedehanım diyerek
Bezme geldi gele ey serv-i revanım diyerek
Payine bari bu takrib ile düşsem yarin
Kalmadı ah meded tâb ü tüvanım diyerek
Bezm-i muradı kande ki âmâde görmüşüz
Nakd-i şuuru garet eder bade görmüşüz
Dünyaperestin anlamışuz secdegâhını
Pür nakş-i sim ü zer nice seccade görmüşüz
Ne sendendir ne bendendir ne çerh-i kineverdedir
Be derd-i ser humar-i neşve-i cam-i kederdendir
Dehan âlûde olmaz-i elvan-i âlemde
Dimağ-i dilde lezzet han-i yağma-yi seherdendir
Nedir ey şuh bu bûhude gazeb n'oldu sana
Meşrebin düşman-i naz idi aceb n'oldu sana.
Vermemişsin tutalım ruhsat-i aguş-i visal
Varmağa meclis-i ağvare sebeb n'oldu sana
Sanma asayiş-i dil zar ü hazin olmadadır
Afiyet künç-i tevekkülde makîn olmadadır
Kim elverse refahiyyet olur rahatyab
Sıdk eyyam-i zerurette metin olmadadır
O periyi edelim meclise davet gelsün
Gelmesi şevk ile meclise zinnet gelsün
Korkarım tevbeyi âbe düşürürsün zahid
Hele hengâm-i çemen mevsim-i işret gelsün
Zevk-İ garn dilde midir dağda mı tende midir
Neşve bülbülde midir gülde mi gülşende midir
Oldu sermaye-i hayret bana bîm ü ümid
Bilmem eyliyecekgirye midir hande midir
Şikâyetim sitem-i şuh-i serkeşimdendir
Zuhur-i derd-i derunuın hep ateşimdendir
Bu zahm-i aşkıma badi nigâhım olmuştur
Yine bir tir bana kendi tirkeşimdendir
Zülf-i siyahı salsa izar üzre bînikab
Eylerdi âlemi dil-i âşık gibi harab
Lutf ile bir piyale sunaydı o dilrüba
Bezm-i tarebde eler idim kendini kebeb
Bu şaire henüz hiç kimse yorum yapmadı. İlk yorum yapan sen ol!