Urfalı Şair Nâbi Şiirleri - Şair Urfalı ...

Gerçi zinangir-i teng-i mahbes-i tendir gönül
Şehnisin-i arş ile revzen berevzendir gönül

Tengna-yi sineye künçidelikden teng iken
Vüs’atinden sahib-i arşa neşimendir gönül

Dili hahişker-i cah-i der-i şah eyliyemem
Yok yere ruy-i temenna-yi sipay eyliyemem

Halkdan gönlümün ol mertebedir vahşeti kim
Aksinı adem deyü mir'ate nigâh eyliyemem

Eğer kaldımsa nâalûde damansızlığımdandır
Gribançâksizlikler giribansızlığımdandır

Tekâsülden değil terk-i şitabım rah-i gülşende
Benim reftar-i bîcanane canansızlığımdandır

Şevk-i teniyIe cûde olup pare pare mevc
Aguş açtı hasret ile kadd-i yare mevc

Bassan kenar-i cuye kadem paybus içün
Birbirini basup gelür ey dil kenare mevc

Bezm-i safaye sagar-i sahba gelür gider
Gûya ki cezr ü medd ile derya gelür gider

Açıldığın haber verir ağyare gül gibi
Daim bize nesim-i sebükpa gelür gider

Giryan isek ey dil n’ola canane bizimdir
Bahr-i gamiz ol gevher-i yekdane bizimdir

Sofi senin olsun yürü var gerdiş teshih
Biz rindleriz gerdiş-i peymane bizimdir

Mevc-i murad bade-i canperverimdir
Harf-i neşat zîr-i leb-i sagarimdedir

Baz-i şikârgir-i çiragâh-i himmetim
Kâm-i dü kevn cünbüş-i bâl ü perimdir

Dildeki leşker-i enduh güzer bilmezler
Sakinan-i harem-i aşk sefer bilmezler

Şekve hurşidruhan-i felek-i mahvetden
Der-i gamhanemizi zerre kader bilmezler

Bana devranın âzarı kemâzar olduğumdandır
Sipihrin vaz'-i mahemvarı hemvar olduğumdandır

Gubar âsâ beni böyle lekedhâr ettiği çerhın
Nigâh-i itibar-i yârde hâr olduğumdandır

Gerçi gencine-i âlemde cevahir bulunur
Cevher-i zat ile araste nadir bulunur

Hünerin var ise bir şehrde bir ârif bul
Yoksa her keryede bir nice behadir bulunur