Bu naleden sana bülbül kelâl gelmedi mi
Dimağ-i şevke dahi ihtilal gelmedi mi
Pür etti âlem anberle kârvan-i hati
Dahi meşamına büy-i visal gelmedi mi
Dest-i nazından o mestan ki şerab isterler
Gûyya pence-i hurşidden âb isterler
Derd-i serden nice âzad olur ol taife kim
Bade nuş eyliyecek yerde gülâb isterler
Bu âb tâb kandan meyhaneler de bilmez
Sahbade neşve kimden mestaneler de bilmez
Çeşm-i medidenabe ayineler de hayran
Mahiyyet-i cemalin cananeler de bilmez
Hatırfüruz-i hüsnün zevk-i baharı neyler
Ahuperest-i çeşmin sayd ü şikârı neyler
Yârin güzergehidir uşşaka cay-rahat
Rindan-i haneberduş dar ü ârı neyler
Mizac-i nergis-i bimar-i yâr biz bilürüz
Olmaz hastereng-i tüvanaşikârı biz bilürüz
Senin neden haberin var firaş-i nahvetde
Hıraş-i çar-i şeb-i intizarı biz bilürüz
Çernende cuy veş bu cüstücular hep seninçündür
Miyan-i bülbülanda güftüğülar hep seninçündür
Sen ey kişt-i emel neşv ü nemadan dürsun amma
Sehab âsâ dökülmek abirular hep seninçündür
Gönüllerde hayal-i nergis-i canane devreyler
O meyhar-i humarâlûdedir meyhane devreyler
Yine erbab-ı dil hamyazeriz-i hasret-i meydir
Bilinse cam-i nîlîfam-i çerh âyâ ne devreyler
Gördüm o şuhu lebleri rengin zebanı şuh
Güftarı şuh natıkası hoş dehanı şuh
Sertabepay nüsha-i endamı dilnişin
Azası mutedil 1eb-i şekkerfeşanı şuh
Gülistan-i dehre geldik renk tok bü kalmamış
Sayeendaz-i kerem bir nahl-i dilcu kalmamş
Eylemiş derbeste dükkânın tabib-i rüzgâr
Hokka-i piruze-i gerdunda daru kalmamış
Ürtadesin görünce kaçar gül’izarımız
Gelmez bizim hazane mukabil baharımız
Şebnem gibi fütade-i hâk-i maabbetiz
Kalmaz bir afitabı görünce kararımız
Bu şaire henüz hiç kimse yorum yapmadı. İlk yorum yapan sen ol!