Yâr bezme gelicek girye-i hasret mi kalur
Mevsim-i tehniyede kâsede şerbet mi kalur
Seyreden lerziş-i palûdenümun-i bedenin
Sirçeşm olsa ne denlü yine takat mi kalur
Hun olmaz idi diller endişe-i sahbade
Bir katre şarab olsa nüh kâse-i mînada
Ey eşg ko men’ etme divane gönül gezsün
Geh vadi-i firkatde geh kûy-i dilârârde
Bu bezm ki peymane-i devlet var içinde
Ne kimseye payende ne rahat var içinde
Helva-yi fena zehr ile âlûdedir amma
Geçmek anı güç gizlice lezzet var içinde
Vermezdi kimse kimseye nan minnet olmasa
Bir maslahat görülmez idi rüşvet olmasa
Halkın meyanesinde bulunmazdı itihad
Meşreblerine vasıta-i hisset olmasa
Benim sarraf-i şehr-i raz ü dükkânım dehanımdır
Devatım kise tahtam safha engüştüm ebanımdır
Ben ol meşşata-i duşize-i hüsn-i beyanım kim
Sevad-i dide-i âhu-yi ma'na sürmedanımdır
Gülgûn-i şefakla felek gazelenmesün
Düşmez o pîrezen kati tannazelenmesün
Evrakın en son eyliyecek çerh tarümar
Mecmua-i ümid ko şirazelenmesün
Suz-i gamle içmeğe dil ateş-i seyyaleden
Ateşin sagal gerektirir şu’le-i cevvaleden
Ol gülün dili bülbül-i gûyasıdır kim gösterir
Serteser çin-i cebin bar-i giran-i jaleden
Hicab-i nale-i bîca hezare gelmedi mi
Hanüz pîş-i güle i’tizare gelmedi mi
Ata-yi buseye dilber dahi eğilmedi mi
Nihal-i nevres-i ümmid bare gelmedi mi
Siriştinde anın kim nur var kalbinde kin olmaz
Musaffa tıynetanın tarf-i ebrusunda çin olmaz
Halâvet müstekindir tab’-i zenburan-i ahterde
Müsaddeshane-i kev ü mekân bîengebin olmaz
Sipihrin gerdişin yad eyleyüp ahterden el çektik
Yemin çin-i cebinin seyredip gevherden el çektik
Bu bezmin talib olduk biz dahi sahbasına amma
Görüp sakîde ruy-i imtinan sagarden el çektik
Bu şaire henüz hiç kimse yorum yapmadı. İlk yorum yapan sen ol!