İlahi Koma Benlük Bende

İlâhî koma benlük bende yâ Rab
Vücûdum bî-vücûd it sende yâ Rab

Göynün âyînesinün sil gubârın
Hemân sen ol görinen anda yâ Rab

Bana nûrından ihsân eyle bir göz
Cemâlüni seyredem hep anda yâ Rab

Gönül ister ezel ol Küntü Kenzi
İrüşdür aşkun ile anda yâ Rab

Cihânı görmiyem bakdukca hergiz
Seni görem bakarsam kanda yâ Rab

Hemân sensün senündür cümle varluk
Fenâdur her görünen bunda yâ Rab

İrüşdür Seyfîyi kurb-i visâle
Kulındur kalmasun dermânda yâ Rab