Bize İman'ı Yoldaş Et

Habîbün Mustafâ hakkı bize îmânı yoldaş it
Mukarreb evliyâ hakkı bize îmânı yoldaş it

Göge gözler dikildükde gözün nûrı döküldükde
Bedenden cân çekildükde bize îmânı yoldaş it

Dilüm sözden kala bir gün elüm tutmaz ola bir gün
Ecel añsuz gele bir gün bize îmânı yoldaş it

Bulunmaz ol zamân çâre onulmaz artık ol yâre
Elüm boşdur yüzüm kara bize îmânı yoldaş it

Kalıcak karanusunda bulunmazsa amel bende
Bana kim eş ola anda bize îmânı yoldaş it

Yerüm cennet midür âhir cehennem mi olur zâhir
Cihânı halk iden kâdir bize îmânı yoldaş it

Nizâmîoğlunun cürmi acep bir kimsede var mı
Yedi deryâ anı yur mu bize îmânı yoldaş it