Cefâ-i Yar'a Sabreden

Cefâ-i yâre sabr iden dostun irer vefâsına
Bulmaz vefâ-yı yâri hîç katlanmayan cefâsına

Yirme sakın belâlardan yârun olursa sad-hezâr
Bâlin eger ister isen tahammül it belâsına

Haste-i derd-i aşk isen koma anladı zârını
Zamân ola irüşesün ol hekîmün devâsına

Ağ üstüne karaları kırâat eyle ey fakîh
İrmeyesin bin yıl olasun ol ağın karasuna

Mukadder-i Hudâ imiş derd ü belâ zevk-i safâ
Mümin isen mihnetle katlan anun kazâsına

Küşte-i râh-ı aşk olan hayât-ı câvidân bulur
Gine anun cemâlidür âşıka kan bahâsına

Zâhidâ ger ister isen anı gider senle seni
Kendüni yoğ eylemeyen irmez anun likâsına

Mürşide irmegen kişi murâdına irüşmeye
İre iren Haka ire bulup sebep halâsına

Günâhunun nihâyeti yok bu Nizâmoğlunun
Rahmeti çok sen ey hâcem bakma anun hatâsına