Zahid Bize Ta'n Eyleme

Zâhid bize ta'n eyleme
Halvetîyüz devrânîyüz
Biz ehl-i aşkuz söyleme
Halvetîyüz devrânîyüz

Müftî fetvâ virür bana
Cânum kurbân olsun ana
Komaz bu aşk beni bana
Halvetîyüz devrânîyüz

Zikru’llâh ider dilimüz
Güzeldür bizüm yolımuz
Her kişi bilmez hâlimüz
Halvetîyüz devrânîyüz

Yandursalar küller gibi
Çignetseler yollar gibi
Taşgın akar seller gibi
Halvetîyüz devrânîyüz

Seyyid Nizâmoğlu gine
Mecnûn olmış döne döne
Girdük çün aşk meydânına
Halvetîyüz devrânîyüz