Ya Rab Bana Derdin Ver

Yâ Rab bana derdün vir
Aslâ dermân gerekmez
Dîdârun görenlere
Özge seyrân gerekmez

Zâhir sultânlarından
Mansıb almazsun diyen
Benüm sultânum birdür
İki sultân gerekmez

Nefsümle çok itişdüm
Âhir yandum tutuşdum
Bâkî câna yitişdüm
Fânîye cân gerekmez

İstedigümi buldum
Cümle cihâna toldum
Kevn ü mekân ben oldum
İki cihân gerekmez

Ne eyü ne yahşiyüm
Ne dostum ne nâşîyüm
Bir yok olmış kişiyüm
Issı ziyân gerekmez

Ben çıkdum bu aradan
Kaldı beni yaradan
Oldur eyleyüp iden
Şekk ü gümân gerekmez

Seyyid Seyfullâh ister
Yârün dîdârun göster
Bir zerre aşkun yiter
Dîn ü îmân gerekmez