Tevhide Çalış Birâder Yârin Olur Ol Hüdâ

Tevhide çalış birâder yârin olur ol Hüdâ
Hem dahi memnun olur ruh-ı Muhammed Mustafâ
Ver salavât ruh-ı pâk-i Ahmed-i Muhtara sen
Kim bu sâyede niceler oldular ehl-i safâ

Gûş verüben bu kelâma dinler isen sen beni
Terk-i dünyâ, terk-i ukbâ eylemek gerek anı
Zikr-i Hudâ aşk-ı Hakk’a âşina eder seni
Zâil olur kalb-i vîrânındaki cevr ü cefa

Bir pir-i kâmile varub alır isen terbiye
Himmet-i kibrit-i ahmer nefsi kılar tezkiye
Vur cila zikr ile kalbe anı eyle tasfiye
Dil ikliminde görünür ‘evcü’l-‘arş tahte’s-serâ

Ey Cemâl Hoca açarsan bana sen eğer sual
Zikr-i Hüdâ her gedâyı eder imiş ehl-i hal
Sıdk ile cehd eyle zikre, sen de ol ehl-i kemal
Cümle ‘alâyıkdan el çek olasın kadri yüce