Server-i Alem Murtezâ

Server-i âlem habîb-i Hak Muhammed Mustafâ
Tanrı arslanı Aliyye’l-Murtezâdur Murtezâ

Cân u dilden kulıyum kurbânıyum ol serverün
Kurretü’l-ayn-i Muhammeddür Hasan hulku’r-rızâ

Nice kan yaş dökmesin anladığı vakt gözlerüm
Bin belâ ile şehîd oldı Hüseyn-i Kerbelâ

Dâimü’d-dehr ehl-i tâat olduğıçün ol imâm
Didiler anun mübârek nâmına Zeyne’l-Abâ

Ben muhibb-i hânedânıyum Muhammed Bâkırun
Yoluna cânum fedâ itmek ne cüz’îdür bana

Muktedâ-yı ümmet-i Ahmed emîr-i ehl-i dîn
Cafer-i Sâdık mürüvvet madeni kân-ı sehâ

Pâdişâhumdur imâm Mûsâ-i Kâzım kulıyum
Şeh-zâdemdür emîrüm serverüm Mûsâ’r-Rızâ

Ehl-i takvâyum diyen ister Takîden şefkati
Kim muhibbidür Nakînün evliyâdur evliyâ

Askerî olmak dilersen sen Hasanü’l-Askere
Ol muhibb ü muhlis-i evlâd-ı Haydar bî-riyâ

Mehdî-i sâhib-zamân sultân-ı dîn itse zuhûr
Eylese adây-i âl-i Ahmede ol ân hebâ

Dâima Seyyid Nizâmoğlu budur gönlündeki
Mustafâ Âliyle haşr itsün beni yarın Hudâ