Nefsini Kim Bildi Bugün

Nefsini kim bildi bugün bildi nedür bâr-ı Hudâ
Böyle imiş tutma gümân kavli Resûl-i Mustafâ

Âyînene eyle nazar aksini salmış anda Hakk
Cemâlüne celâlüne oldı gönül mekân aña

Nûrı mıdur nârı mıdur anda zuhûr iden sıfat
Nûrına bak nârını ko eyleme nâra iktidâ

Bâkî kalup ezel ebed mülkine şâh olam diyen
Kendü vücûd varlığun eylesün aşk ile fenâ

Adüvv olup egri bakan râh-ı Resûl-i Ahmede
Toğrı tarîki bulmadı eyledi ömrüni hebâ

Kim ki gönlün âyînesin tevhîd ile itdi cilâ
Şüphesüz ol âyîneden görince ol güzel likâ

Merîz-i aşk olanlara şerbet-i vasl imiş ilâç
İklîm var o hastenün derdine itmege devâ

Hakîkat-i Muhammede tâlib olup irüşmeyen
Dâmen-i mürşide yapış tâ irüşe lûtf-ı atâ

Seyyid Nizâmoğlu hâcem bensüz diler senden seni
Al benligüm benden kamu sen kal hemân yâ Rabbenâ