Mehmet Çobanoğlu Şiirleri - Şair Mehmet ...

Warzên warê me geşin
Kevrên nav de jî reşin
Qaz û werdekên me jî
Tim bi hev re dimeşin

Dora gundê me rez e

Ez rêketim yar bê haye
Qet kêfa min jî tuneye
Bi rojan e xwîn dikuxim
Arîşena min nemaye

Gul, kulîlkên ser deştan e

Dayê, derdê dil e, li ser min de tê
Gidî, keder û belangazî ye lê
Kezeba min sincirî, li min xeme
Bêkesa min, xwezî delala min bê

Dayê keder û êş nebe para te

Tofana qelaş bese dev me berde
Lihêf erde mitêl erde balîf erde
Bihar sare havîn sare dorhêl sare
Xerîbî yê de jiyan jî kul û derde

Xerîbî heşire xerîbî nexweşe

Cîyê ezê dixwazim ji min pir dûr e
Xemên feqîrî yê dilê min de kûr e
Gul û kulîlkan dîsa min re venadan
Derdê min derdêkî mezine ne hûr e

Gava qala war û welatê me dikin

Bijîjk dest nede birîna dilê min
Dilê min de derdeke zehf giran e
Nexweşîya min ji xerîbîyê ye
Welatê xelqê li min re hêran e

Bask û perê min, rewşa min tune ye

Pêtên ser agiran venekişîyan
Baskên kew û kevokan tev weşîyan
Kesera nav dilê min dubare bû
Melhemên derdên min nişkva rijîyan

Dayîka min ez bêhêz û bêhalim

Çavreşêa min were ji min nereve
Bêbext ê agir naxe nav dilê min
Bi serê te min pir berîya te kir
Pişta xwe min de neke bedewa min

Ez bê te digîrim bê te dinalînim

Heywax roj li min reşe
Wek bahozeke serkêşe
Min re derde min re kule
Gav bi gav ji min re êşe

Dem bû agir meh adar’e

Min bi evîna te ve dilê xwe şûşt
Tu çem û robarên ser deşta min î
Ji zinaran û kendalan dikişî
Delalê tu bêhna rihana min î

Kulîlka min nepenîyê eşqê me