Mehmet Çobanoğlu Şiirleri - Şair Mehmet ...

Fêza gundê me de rezin
Nav mêrgan de perx û pezin
Wexta dema doşînî yê
Keçik diçin lez û bezin

Jêra gundê me de kozin

Pira gundê me tenge
Keça qemer ne şenge
Kincê lê jî tenikin
Mîna gula bêbelge

Aşê gundê me kevne

Reşa gund, xweş tê xuyan
Dişibe kew, kevokan
Keça kubar gul, kulîlk e
Bejna lê jî wek çiyan

Bihar ket warê Qers'ê

Gundê me de mal û xanî
Axa me de çem û kanî
Keça reşik benda rê ye
Kew gozel li ber danî

Kewa gozel war şên dike

Keça rû geş, bejn bilind î
Porê te hûr hûnandî
Zendên te de zêr û zîv in
Wek gezîyên badandî

​Kenê te min re derman e

Min zozanên şîn û deştên germ hembêz kir û ji te re anî
Ji kerema xwe, li gulên ser çiqilan
Bêhn ke
Lê wisa xwe neêşîne
Xwe
Paşve vekişîne

Baran barî li ser malan
Lehî rabû, bi wek çeman
Keça xama çû çolê ye
Werî yeman, werî yeman

Baran barî deşt û çiyan

Keça zerîn xweş dimeşe
Birh û bijangên wê reşe
Kenê ser her lêvên wê de
Mîna kulîlk ê çelenge

Keça zerîn qelendere

Wek biharan rengînin
Keç û bûkên perînin
Dilo, dilo, dilo can
Qîzên Qers'ê şêrînin

Bi gul, gulpik bi xalin

Lo ked xwarin şerma reşe
Xizanî yê rewş nameşe
Ez xerîbê welatanim
Ji dilê min can diweşe

Ji derdane rehet nabim