Nə vaxtsa ruhunun qaranlığında,
Ölümü bu qədər gözləmisənmi?
Taleyin gözündən düşdüyü zaman,
Bəxtini bu qədər söyləmisənmi?
Nə vaxtsa əllərin dara düşəndə,
Bəyaz yollarına qara düşəndə,
Könlünə sağalmaz yara düşəndə,
Kimisə bu qədər pisləmisənmi?
Nə vaxtsa dərdlərin əlindən qaçıb,
Özünə yeni bir səhifə açıb,
Dünəni unudub, sabahı yazıb,
Həyatı bu qədər izləmisənmi?
Habil Yaşar 2
Kayıt Tarihi : 2.2.2019 21:03:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!