Kesdim ayağını göz yaşlarımın

Kəsdim ayağını göz yaşlarımın,
Narahat etməsin kipriklərimi.
Rəngi də açılsın baxışlarımın,
Rahat nəfəs alsın ürəyim indi.

Sildim xatirəmin qara tozunu,
Sabahın yolları hamar görünsün.
Bir də göstərməsin o sərt üzünü,
Kədərim sevincin əlində ölsün.

Qırdım ürəyini amansız bəxtin,
Mən belə taleyi alqışlamaram.
Daha turşutmasın sirin-sifətin,
Nə qədər yalvarsa bağışlamaram.