Mehmet Çobanoğlu Şiirleri - Şair Mehmet ...

Min mêzekir tu hewş ê yî
Destê te de du, sê deqe
Gorî te bim keça Kurdan
Ji me re azadî heqe

Stûyê te da xweş gerdan e

Bi dora gundê me kevrir û qewşin
Ax li ser mala me de ewrên reşin
Şewat ket, li nav dil û canê min
Çima li zinaran de gurên wehşin

Ax û wax! Agir xistin kezeba min

Demsal sare! Berf barî
Dara sincê pur nekin
Di destan de bêrikin
Berfa ber malan rêçkin

Dara sincê ditewe

Fêza gundê me de rezin
Nav mêrgan de perx û pezin
Wexta dema doşînî yê
Keçik diçin lez û bezin

Jêra gundê me de kozin

Pira gundê me tenge
Keça qemer ne şenge
Kincê lê jî tenikin
Mîna gula bêbelge

Aşê gundê me kevne

Reşa gund, xweş tê xuyan
Dişibe kew, kevokan
Keça kubar gul, kulîlk e
Bejna lê jî wek çiyan

Bihar ket warê Qers'ê

Gundê me de mal û xanî
Axa me de çem û kanî
Keça reşik benda rê ye
Kew gozel li ber danî

Kewa gozel war şên dike

Keça rû geş, bejn bilind î
Porê te hûr hûnandî
Zendên te de zêr û zîv in
Wek gezîyên badandî

​Kenê te min re derman e

Min zozanên şîn û deştên germ hembêz kir û ji te re anî
Ji kerema xwe, li gulên ser çiqilan
Bêhn ke
Lê wisa xwe neêşîne
Xwe
Paşve vekişîne

Baran barî li ser malan
Lehî rabû, bi wek çeman
Keça xama çû çolê ye
Werî yeman, werî yeman

Baran barî deşt û çiyan