Benim heyatım Şiiri - Sevinc Arzulu

Viran oldu binəcə,
Kədər qəmdə sinəcə.
Yuxumu tərsinəcə,
Yozdu, mənim həyatım.

Köç edib getdi karvan,
Başında yoxdur sarvan.
Nədən olmadı əlvan,
Bozdu mənim həyatım.

Soyuq sular ilinməz,
Davası nə, bilinməz.
Bir əlçimlə silinməz,

Tozdu mənim həyatım?
Asacaqdır çəni də,
Aşacaqdır məni də.
Yandıracaq səni də,
Közdü mənim həyatım.

Məhəbbətim, dur uca,
Eşq qalanı qur, uca.
Kim deyir ki quruca,
Sözdü mənim həyatım.

Uymaz əfsanələrə,
Qalmaz ki sənələrə.
Bilirsənmi nələrə,
Dözdü mənim həyatım.

Bu əzabdır, çəkilən,
Həsrət evi tikilən.
Uzaqlara dikilən,
Gözdü, mənim həyatım.