Yüzü deyib Şiiri - Sevinc Arzulu

Sən anla,başa düş məni,
Gözləməyir görüş məni.
Xatirimə dost-düşmənin,
Biri deyil,yüzü dəyib.

Hanı Sənanın Xumarı,
Yox daha bəzək-tumarı.
Üzümə məsti-xumarın
Al yanaqlı üzü dəyib.

Yenə yağır narın-narın,
Üşüyürəm altda qarın.
Deyəsən xətrinə yarın,
Sözümün ən düzü dəyib.

Hiylə,məkrdən aranmış,
Sevgi tanrıdan yaranmış.
Hamarlanaraq daranmış
Tellərimə özü dəyib.

Ayır görüm külü küldən,
Seçəmmirəm gülü gükdən.
Saralıram günü gündən
Rəqibimin gözü dəyib.