Xizan Şîlan Şiirleri - Şair Xizan Şîlan

rindika rûken ez xelîçeya eşqa dilê fedekar li ber lingên te radixim ji kaniya bîbikên melûl şerbeta şewq û şemala te vedixwim bêhna te di lerza kefa destê xwe de vedişêrim derd û kulên min pir giran in birîna êş û xeman bêderman e li dûrî hesreta te bi lezeta şereba eşqa îlahî mest dibim têlên tembûra axînkêş qetiyan şewqa çireya temenê hejar temirî kulîlkên baxçê giyan çilmisîn feryad û fîxanên kezebşewat bêdeng dibin li xerîbiyê deriyê koşka evînê kilît bû kêf û seyrana li nav kolanên şad herimîn gavên hêviya demên ciwan kûd bûn pênûs li ser rûpelên destanan hêsiran dibarîne kêfxweşiya rojên germ veguherîn qêrîna zîndanên sar dil li nav êşa parsûyan westiya gewriya helbestê di dûmanê cixarê de fetisî ken û girîn di kîn û nefreta felekê de hatin ji bîrkirin av li çiyayên îsyankar sergêj diherikin ba û baranên payîzê di kovanên xwe de kemijîn were bi hezkirina gotinên milîtan kelecanê bigihêne aramiyê salên cemidî bi germiya henasa xwe bihelîne bi maçên lêvên cirifandî biharê geş bike û pêşkêşî min bike Xizan Şîlan 2011-06-06 Stockholm

ben çığlık atarak ağlayan
ilk nefesim bahtsız yaşamda
belimi acı hayallere yaslıyorum
derin düşüncelere dalıyorum
ekşî bir ağırlık tüm bedenimi
ve beynimi sarmış

li odeya sohbeta dostaniyê sifreya exlaq û mantiqa durist radixim bayekî xerîb di pencera guhên min de wîzewîz e hestên sûnik li bêçaretiya pistepista şevan tên darizandin çemên bedena kalbûyî bi axîna hêsirên çavan tijî bûn bêhna şewata sewdayê ji firnikên pozê min difûre gotinên şikurkirinê li ser lêvan cemidin ji qedera xwe ya wêran gilî û gazincan dikim roj di hatina min ya dinyayê de poşman bûn xewnereşk li nav nivînan bi lîstika çavgirtonekê dileyîzin neynika dil di êşa awirên nehênî de zer bû jana zirav li baxê helbestan hêlîna xwe çêkir ez ne deyndêrê cîhana fanî me ne jî deyndarê axretê me ji bo wîjdanê mesûm hesabê temen yê bêtalîh didim ji pêsîrên heyvê şerbeta bedewiya rûyê rindê vedixwim di riya heqîqeta zanistiyê de derwêşekî çîlekêş im li dergaha şîretên Mewlane semaha eşqa bêmirinê digerînim li bêhntengiya êvarên birîndar tizbiyê sebira pêxemberan dikişînim di teleşa jiyana derewîn de mistek xweliya reş im min tûrikê sewab û gunehên serdeman bi dûvikê stêrkan ve daliqandin Xizan Şîlan 2012-02-02 Stockholm

DI XEWÊ DE PAYÎ ME


ez
li nav pêlên bablîsoka
jiyana pûşt

li şevkoriya esmer
jana hestên xwe tînim ziman
salan
taca êşên nenas danîn serê
qedera min
ji rayên dara çinarê ya spehî

ez bi çirûskên meşaleya giyanê xwe serfîraziya gelên mezlûm pêşwazî dikim ez di raperîna zarokên keviran de lanetê li rûyê panzerên qatil dibarînim ez li meydanên bajarê amedê govenda serkeftinê digerînim ez di şopa zendên kelepçe de kulîlkên berxwedanê dipişkivînim ez li ser destmala dayikên şîngirtî destana lehengên nemir diafirînim ez kirasê bindestiya zalim diçirînim ez qefesa welatê xwe yê birîndar bi ala azadiyê dipêçim ez coşa kaniyên şad li nav mêrg û çîmenên xemgîn dixuşînim ez im yê xirabiyê li nav çerxa felekê dicemidîne li baxê dil tovên qenciyê diçîne bi kilamên Şeroyê Biro sînorên rûreşiyê hildiweşîne Xizan Şîlan 2011-12-28 Stockholm

ez
bersiva pirsan
di lalbûna jana awirên xwe de
dibersivînim
ne rabirdûya min
ne jî dahatûya min heye

bi cama evîna dilê şikestok bêçaretiya xwe li zendê salên poşman dinivisînim şopa tirsa demsalên hovane di kefa destê xwe de vedişêrim pêşeroja min di herika rûbarên giyan de xeniqî ji gewriya nûçeyên rojane jehra xwînê dipale li nav nivîna şevên bêxewiyê xewnereşkên xopan xwe li stûyê min dipêçin hesret û bêrîkirinên min bi keserên dûmanê cixarê hatine meyandin serê min ji nav belaya demên rûreş qet nafilite carnan mîna hêrsa pêlan dîn û har dibim carnan mîna beytika newêrek can li min dilerize şûşeya eşqa dilê serxweş di toza heyamên gemarî de qelişî min li nav dûmanê xeyalên pûç daxwazên dergûşa nava xwe taloq kirin li birçîbûna çaxên genî bîranînên xwe yên wêran dixwim li nav pêta kul û kederên bêhempa dişewitim ji piyangoya temenê têkçûyî tofana janên dirinde derdikeve şadiya rûyê min di albûma wêneyên xemgîn de zerikîn bi tasa destê dilberê şerbetê didim gêrikên di bin lingan de hatinî perçiqandin ez bûm qurbanê eşqa îlahî ya nependî û her tim di ber cankêşiyê de me êdî ez di coşa xumexuma şîpa laşê xwe de astengiyan nasnakim ji aloziya dîroka tarûmar hêviyên şad ava dikim derhênerê şanoya vê helbestê ez im leyîstikvanê li ser dîkê ez im temaşevanê xerîb jî ez im li ber xemkêşiya rondikên çavan leyîstik qediya û perdeya dilê xeşîm hate girtin Xizan Şîlan 2010-07-02 Stockholm

ŞEVEREŞÊN SÊWÎ

ez
vê helbesta kal û pîr
bi şehweta hestên peritî
dadigirim û dinivîsim