Xizan Şîlan Şiirleri - Şair Xizan Şîlan

ez
nexweş im bûkê
ne nexweşê qolinc û serêşê ye
nexweşê dilketiya te me
li dûrî te
dil diperpite

li nav toza jiyana xopan
tawanbar hatim dinyaya
virek û gurî
li navbera parzemînên giyan
ba û bahozan nalenal e
erd û asîman

ez
ne destpêk im
ne jî dûmahîk
ne dişibim xwe
ne jî kesên din
xeyaletekî taristanê me

ez
ne destpêk im
ne jî dûmahîk
ne dişibim xwe
ne jî kesên din
xeyaletekî taristanê me

bêyî te
li dûrî hesretkêşiya te
li xerîbistanê
xweşikiya rûyê sal û demsalan
qurmiçîn
pelên guliyên dara hêviyê

HELBESTVAN


tîreke tûj
li ser dilê helbestvanên keserkêş
daçikiya ye

bombe û napalm barandin
wan balafiran
devê xwe yê bi xwîn
wek cinawiran
berdabûn laşên kurdan
jehra maran

bi kilîda hêviyên piştxûz
dergehê dojeha dil
vedikim
li îşkenceya zîndanên hestên xwe
dibim mêvanê kurtepista
şevbihêrkên tarûmar

HESTÊN HINAVA ŞEWITÎ


şîn û şahiya temen
li ser hestên hinava şewitî
nîgar dikim

HESTÊN PENABER


li tenêtiya şevistanên sar
hestên xwe dispêrim
paşila helbestê