Vida kimisin Şiiri - Sevinc Arzulu

İzlərim yormayır səni,
Sözlərim hörməyir səni.
Gözlərim görməyir səni,
Ən uzaq ada kimisən.

Vurulmuşdun zərif telə,
Qurban getdin coşqun selə.
Yayın istisində belə,
Somsoyuq oda kimisən.

Çatmısan ayın onuna,
Girmisən payız donuna.
Qəmli cümlənin sonuna,
Qoyulan nida kimisən.

Mən yaralı bir qaranquş,
Qara qarğaya gəldim tuş.
Kimsəyə olmayırsan nuş,
Soyumuş qida kimisən.

Quş olmadı əkil-bəkil,
Divardaca oldu şəkil.
Həyat səhnəsindən çəkil,
Sonuncu vida kimisən.