Üzdüm-üzdüm Şiiri - Sevinc Arzulu

Oxşa qızılgülü, tez açsın deyə,
Söylə dərd-sərini, qəm qaçsın deyə
Tək mənim yoluma nur saçsın deyə,
Ulduzlu səmadan ay üzdüm, üzdüm.

Həsrətdən ürəyim yaman oylanır,
Gündüz günəşlənir, gecə aylanır.
Dedilər adada fərəh paylanır,
Burdan Narginəcən ay üzdüm, üzdüm.

Elə bu dünyada sevdim özümü,
Üzbəüz gələndə döydüm gözümü.
Qıymadım söyləyim”həri” sözünü,
Yarın ürəyini ay üzdüm, üzdüm.