Üzde görünmür Şiiri - Sevinc Arzulu

De, nəyə lazımdır zavallı olmaq,
Daima qəm-kədər əhvallı olmaq.
Bir dünya qüdrətdir çox varlı olmaq,
Milyonda görünür, yüzdə görünmür.

Tülkü tək hiyləgər, xain, bic dünya,
Sərxoşluq eyləyir hərdən gic dünya.
Söylə mənə nədən sənin iç dünyan,
Yalanda görünür, düzdə görünmür.

Üzümə qayıdır dərdin-möhnətin,
Sürüşkən qayadır lal məhəbbətin.
Sualtı qayıqdır ulu qüdrətin,
Dəniz dalğalısa, üzdə görünmür.