Dil giriftar oldu derde ana derman yok mudur
Hâlimi şerh eylesem cânana ihsan yok mudur
Şerha şerha eyledi gönlümü belâ-yi hecriyle
Ol melek sîmada asla din u iman yok mudur
Dağ-ı aşkın levha-i ikbalımı pervazeler
Nakş-ı aşk eyler lebin her dem mahabbet tazeler.
Firkatınla murğ-i dil feryad eder kaknûs gibi
Ney gibi sûrah-ı sinemden çıkar âvâzeler.
Cennet gülüdür ârız-ı hamrâ-yi Muhammed
Can bülbülü olsa nola şeydâ-yi Muhammed.
Her mûyuna bin cân fedâ eylesem azdır
Uşşaka safâ verdi tevallâ-yi Muhammed.
Gam-ı aşkınla nâlânım meded kıl yâ Ebe’d Derdâ
Eser-i bend-i zinanım meded kıl yâ Ebe’d Derdâ.
Beni mest ü harab eyle rahîk-ı câmı aşkndan
Dem-â- dem zâr ü giryânım meded kıl yâ Ebe’d Derdâ.
Ey bâd-ı sabâ ol gül-i hamrâ haberin ver
Bir şûh-i cihan dilber-i ra’nâ haberin ver
Bîmar-ı gama hâk-i reh-i yârı şifâ kıl
Lûtf eyle bana kamet-i vâlâ haberin ver
Beka mülkün dilersen bu gülistan-ı fenadan geç
Kılıp tahsili-i feyz-i âhiret çûn u çirâdan geç.
Arûs-ı dâr-ı dünya şiveler eylese de her dem
Sakın mekkâredir aldanma dehr-i bî-vefâdan geç.
Ben mest-i derd ü mahabbet hünerimdir
Eğlenmek için kûşe-i meyhane yerimdir.
Mahbûb- perestim derim hûba mahabbet
Mahbûbların hâk-i deri tac-ı serimdir.
Vîrâne iken oldu gönül aşk ile âbâd
Uşşâkını ol şûh kılıp lûtf ile irşâd.
Nâil olmaz feyz-i Hakk’a zümre-i teklîd
Âşık olduğunu bilmez idi Keys ile Ferhad.
Menba-i nûr-i Hûda Hazret-i Mevânâ’dır
Sâlik-i râh-i beka Hazret-i Mevânâ’dır.
Devr eder aşkı ile subh u mesâ çarh-ı felek
Şem’-i eyvân-ı sâfa Hazret-i Mevânâ’dır.
Kudve-i ehl-i hakîkat muktedâ-yi evliyâ
Sahib-i feyz ü keramet reh-nümâ-yi asfiyâ.
Nice yıllar cezbe-i Hak ile mest-i aşk olup
Râh-ı Hakda âşıkana olmuş idi pîş-vâ.
Bu şaire henüz hiç kimse yorum yapmadı. İlk yorum yapan sen ol!