Suyun lillenib Şiiri - Sevinc Arzulu

Yağış yağar izimə,
Tikan batar dizimə.
Eh, mənim əvəzimə
Xatirələr dillənib.

Dostunu sal aparıb,
Üzündə xal, aparıb.
Elə bil hal aparıb,
Gözü suya zillənib.

Yerə xalı sərmişdi,
Yel qanadın gərmişdi.
Bir günlüyə gəlmişdi,
Neçə vaxtdır illənib.

Sakitləşib pələngim,
Boynumdadır çələngim.
Qızılı çərpələngim,
Göy üzünə millənib.

Belədir adil insan,
Həmişə edər ehsan.
Yenə yağıbdır leysan,
Araz, suyun lillənib.