Şerm ile hûn-feşân olur zülf-i ruhı nikâb iken
Hîç yakışur mı necm ola bir gice mâh-tâb iken
Âteş ü âb bir olur meclis-i ittihâdda
Şem’ idi bezm-i ‘aşka dil dîdelerüm pür-âb iken
Her müjesinde bestedür şîr-dilân-i deşt-i ‘aşk
Bak o gazâl-i ‘işveye dîdesi mest-i hâb iken
Yakdı bizi şarâb-i ‘aşk sâgarı sunma sâkiyâ
Su koma gel ocaguma hâne-i dil harâb iken
Zâhid-i jâj-hâ nice mes’ele-dân-i ‘aşk olur
Nüsha-i sun’-i hikmetün noktası bir kitâb iken
Kayıt Tarihi : 3.6.2016 17:14:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!