Benem deryâ-yı eşkinde vücûdu ayn-ı nûn ...

Benem deryâ-yı eşkinde vücûdu ayn-ı nûn olmuş
Kenâr-ı âbda aks-i şecer-veş ser-nigûn olmuş

Şarâb içenleri zâhid niçin öldürmeli dersin
Rızâ ver emrine Hakk’ın sözün hadden birûn olmuş

Kodum bir sıfır dağı sinede olan elif üzre
Alâmet bir iken aşka görenler dedi on olmuş

Şu denli erdi tîrün zahmı cisme ey keman-ebrû
Gören dedi be bu ucdan uca ‘ayn-ı uyûn olmuş

Tabîbüm nâr-ı derdin Zâtiyi bir derde tuş etdi
Sarı benzin görenler dediler eyvâ be bu n’olmuş