Neş’e-i Meyle Ruh-i Alunı Gül Gül Görelüm

Neş’e-i meyle ruh-i alunı gül gül görelüm
Açıl ey gonçe biraz rûyunı gül gül görelüm

Hem-çü ahvel idelüm seyr dü-bâlâ-yi cemâl
Nigehi çâk-hor-i tîg-i tegâfül görelüm

Aç nikâb-i ruhun ey mâh-i tecellî-sâye
Mihri endâhte-i hâk-i tenezzül görelüm

Nice ta’rîf ideyüm gerdiş-i eyyâm-i gamı
Vasfa kâbil mi hele devr-i teselsül görelüm

Şîşe-i tevbeyi Sâmî nice bir hıfz idelüm
Varalum bir yere gülşende gül ü mül görelüm