Narîna Gundan Şiiri - Mehmet Çobanoğlu

Berdilkê de morî-mircan
Ser piştê de kembera zîv
Lê narînê, narîna gund
Keça bedew, rû gulehîv

​Awazxweşa gerdanmircan
Tu balkêşa her xortan î
Dilevîna evîndaran
Tu eşqa her nav dilan î

​Keça gerdan morî-mircan
Zaravê te Erzîngan î
Dil û cegerê ciwanan
Tu meşhûra her xortan î

​Zendê te de morî-mircan
Her xemzên te gulên teze
Baxçê gulan, gula welat
Keçê, li te dîlan ferze

​Xanima bi morî-mircan
Tu çavkanî û robar î
Nêrînên te heyva şevê
Tu havîn î, tu bihar î

​Xortên gundî li pey te ne
Tu delala dilê wan î
Dinalin ji derdê te ne
Derdê xortan ma nizanî?

​Ey narîna hemû dilan
Lê şirîna xewna xortan
Zarşirînê, devpiçûkê,
Tu yî şewqa çavên xortan

​Mehmet Çobanoğlu
05.04.2026
Stenbol