Mevc-hîz Oldı Yine Eşk-i Terüm Seyl Gibi

Mevc-hîz Oldı Yine Eşk-i Terüm Seyl Gibi

Mevc-hîz oldı yine eşk-i terüm seyl gibi
Her kemîn katresi ser-mâye-i sad-Nîl gibi

Gark ider fülk-i dili cûşiş-i seyl-âb-i sirişk
Şu’le-pâş olsa hayâl-i ruhı kındîl gibi

Çeşm-i nâ-dânda ma’ânî-i sevâd-i kilküm
Nezd-i a’mâda cilâ-düşmenî-i mîl gibi

Bir olur efser-i şâhî ile keçkûl-i gedâ
Ser-nigûn olsa eger sûret-i iklîl gibi

Bûriyâ cinsi iken câyı olur mesned-i dûş
Nân-i mihmânı iden tehyi’e zenbîl gibi

Kucdum ol mûy miyânı diyü lâf urdı rakîb
Belli yok sıhhati za’f üzre sözi kîl gibi

Ser-i Nemrûda ne kâr eyledi gör ey magrûr
Peşşenün nîşini hortûm-i ser-i fîl gibi

Gül-i rengîn-i mezâmîn ile Sâmî kasdun
Bu sekiz beyti bihişte yine temsîl gibi

Arpaeminizade Sami
Kayıt Tarihi : 3.6.2016 17:48:00
Yıldız Yıldız Yıldız Yıldız Yıldız Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!

Arpaeminizade Sami