Iıı. Gazel Şiiri - Berâ ????

Bir düşmen-i dinsin sanemâ yâdıma düşdün
Hem yağmaladın gönlüm evin haddini aşdın

Efkâr-ı cemâlinle berâber yaşar oldum
Gördüm seni bir kerre benim gönlümü aldın

N'içün bana tirler vurarak her seferinde
Ey kâşı kemân sînem ile bağrımı deşdin

Dil mülkünü yıkdın nice enhâr nice emvâc
Eşkimde mi buldun bu kadar sû nice coşdun

Her lâhza senin hüsnünü tasdîk ediyorken
Sen hışm ile mir'ât-ı mücellâyla savaşdın

Âh zülf-ü siyâhın beni mest eyledi hayrân
Bu vech ile ol sûrete sen pek de yaraşdın

Ezcümle Berâ bendeni zulmetde bırakma
Sen kim yüzünün pertevin âlemlere saldın