Hurûş-i ‘Aşkda Tahrîk-i Dest-i Âh ‘Abes

Hurûş-i ‘aşkda tahrîk-i dest-i âh ‘abes
Garîk-i muztaribe şîve-i şinâh ‘abes

Çü bîd-i bî-semer ü deşne-der-kef-i âzâr
Le’îme eyleme âb-i ruhun tebâh ‘abes

Karâr-dâde degül çünki gerdiş-i eflâk
Gurûr-i devlet-i pâ-der-rikâb-i câh ‘abes

Akup gelür sana rızk itme kâviş-i tedbîr
Kenâr-i cûy-i ferâvânda hafr-i çâh ‘abes

Şühûd-i mihr-i hakîkat ise garaz Sâmî
Kemîne zerreye de eyleme nigâh ‘abes