Höre-höre gelmişim Şiiri - Sevinc Arzulu

GƏLMİŞƏM

Bu dünyanın əzabını
Görə görə gəlmişəm.
Bu dünyanın xəzanını
Hörə-hörə gəlmişəm.

Biri sarı,biri aldı,
Hansı yaxşı.özün seç.
Qurduğun uçurum yoldu
Özün atla, özün keç.

Nə işim var sənin ilə
Qaranlığı dolaşım.
Dostlaşıb sis, çənin ilə
Dərə keçim, yol aşım.

Həyat mənə elə-belə
Daha rahatdı, dostum.
Azadlığı verməm yelə,
Tufan da yatdı, dostum.

Bir də çətin görüşərik
Bu dünyada sənlə mən.
Ayrılığa olluq şərik,
Saralar yaşıl çəmən...