Her Gonçe-i Nev-rüste Nigâh İtmege Degmez

Her gonçe-i nev-rüste nigâh itmege degmez
Âvîze-i destâr-i külâh itmege degmez

Çevgân-i temennâ ile hâmûn-i keremde
Gûy-i himeme kaddi dütâh itmege degmez

Rû-gerden olup tîg-i hirâsân-i kazâdan
Mûy-i bedeni mevc-i sipâh itmege degmez

Sad-âyine-i tevbeyi işkeste it ey dil
Hamyâze ile bâdeye âh itmege degmez

Endîşe-i ârâyiş-i dünyâ ile Sâmî
Rûy-i emeli jeng-i günâh itmege degmez